von Albert Hoffmann September 1993
Von aldersch her, unn gar kenn Mähr
alle Knechde, kreiz unn quer
manchmal uff unn ab,- alles ohne Kapp
eh Baurehof se suche,- der Erwed unn e Zimmer hat
unn e bische Sackgeld noch
e Bux gebrucht,- die ohne Loch
die Grosche jetzt unn iwerall
immer gudd se samme gehall
sehr viel war das nit
es klingelt kaum im Schritt
ich will noch heid drumm wedde
es reicht e grad,- für Zigaredde
unn hadd er monchmol Durschd gehaad
Wasser war noch gudd se drinke
war noch suwer unn gesund
wurd nit dicker unn nit rund
Knechte all die Johre
von de Fies bis an die Ohre
mit Saft und Kraft,- um die Uhr geschaft
Johr unn Dah,- das gleiche war
später dann die Onnere
ah, dorum, – so wonnere
Wasser awer nimme echt
glich druff,- do wurd em schlecht
ohne sich besinne,- kenner meh hat schaffe kinne
Wasser war passé,- kenn Kaffee unn kenn Tee
Allgehol war der Ersatz,- er war nit für die Katz
für Fiewer, Infektione,- kann er sich lohne
für de näggschde Bindels-Dah
do defor lohnt er sich ah
viele honn das fallsch verstonn
sinn dann, nur noch saufe gong
wolle nix vom Schaffe wisse
honn kenn Luschd,- unn sich verpisse
nagschdes Johr werds widder scheen
alle durch die Heiser gehn
alles durch zuvieles drinke
lache, singe,- mache winke, winke
bis se nimmer kinne
unn de Hemmweh nimme finne